Hetauda Online - कविता: कामरेड
The first website dedicated to the people of clean and green city Hetauda.
कला साहित्य

कविता: कामरेड


कला साहित्य 179 पटक पढिएको डा.झमक घिमिरे २०७४ श्रावन २४ मंगलवार


कविता: कामरेड


श्रावन २४ मंगलवार, हेटौंडा । समयले जायज आवाज नसुनेपछि विद्रोह जन्मिन्छ ! आजका लेखकले समय, समाज विचार, कलालाई बोक्नुपर्छ यसै विषयमा केन्द्रित हुनुपर्छ दिशानिर्देश पनि यही हो ! डा.झमक घिमिरे

कामरेड!


ओ कामरेड !

हाम्रा इतिहासमा वर्जित

रगतका भलहरू बगाएर 

त्यति नै अग्ला लाशका पहाडहरू ठड्याएर

तिमी जन्मेकी थियौ

तिमी जन्मेपछि हाम्रा बुढा आँखाहरूमा

उज्यालाका सपनाहरू नाच्न थालेका थिए 

तिम्रा कलिला हत्केलाले स्पर्श गर्दा 

असिम आनन्दको अनुभूति हुन्थ्यो मनहरूलाई,

हामीले आस्थाको पहाड उभ्यायौं तिमीसँग 

स्वर्णिम भबिष्य देख्यौं तिमीमा 

समताको बीज रोप्यौं तिम्रो मनमा

अन्यास तिमीले यी स्नेहहरूलाई भत्काएर 

हाम्रा आस्थाहरूलाई ढालेर 

नोटले डुङ्ग गनाएको फोहोरी भेल 

हाम्रा पवित्र श्रावणीमा मिस्यौ 

तिमी त्यहीँसँगै बग्ने छौ 

ए! श्रावणी बगाइदेऊ यी फोहोर जम्मै,

ओ कामरेड !

हिजो तिमीले जनताको नाममा खाएको शपथपत्र 

आज थोत्रीएर मुसाले बच्चाहरू पारेका छन् 

त्यसका केही अंशहरू

रछ्यानमा सलबलाउँदै छन् 

र, उठाउँने छन् देवल

तिम्रै अगाडि नष्ट पार्नेछन् !

ओ कामरेड !

हिजोको आलो रगतसँग 

आज उम्रीएका छन् रक्तवीजहरू 

तिमीलाई सलक्कै निल्नेछन् 

तिम्रा स्वार्थका रोमानी सपनाहरू 

खोक्रा त्यागहरू 

नोटका बिटाहरूसँगै 

हाम्रा श्रावणीहरूले बगाइदिने छ्न् ।

धनकुटा -६ कचिडे





कमेन्टसहरु



लोकप्रिय



12809169 Times Visited.

हेडम्बा पब्लिकेशन प्रा.लि.
द्वारा सन्चालित हेटौंडा अनलाइन
ठेगाना: हेटौडा, -११, मकवानपुर, नेपाल
057-526557
www.hetaudaonline.com.np
Email: info@hetaudaonline.com.np
संचालक
संचालन तथा प्रायोजनको हक सर्बाधिकार © हेटौंडा अनलाईन, हेटौंडा २०७४ मा सुरक्षित रहनेछ ।
Powered by :
Top