Hetauda Online - सम्बन्ध विच्छेदमा: वैदेशीक रोजगारी मुख्य कारण
The first website dedicated to the people of clean and green city Hetauda.
राष्ट्रिय समाचार

सम्बन्ध विच्छेदमा: वैदेशीक रोजगारी मुख्य कारण


राष्ट्रिय समाचार 3 पटक पढिएको हेटौंडा अनलाइन २०७४ श्रावन २२ आइतवार


सम्बन्ध विच्छेदमा: वैदेशीक रोजगारी मुख्य कारण


श्रावन २२ आइतवार, पर्सा । पर्सा जिल्ला अदालतमा आर्थिक वर्ष २०७०/७१ मा सम्बन्ध विच्छेदका ६० वटा मुद्धा दर्ता भएको थियो । त्यसपछिका हरेक वर्षमा पर्सा जिल्ला अदालतमा सम्बन्ध विच्छेदका मुद्धाको संख्या बढदै गएको छ ।

उमेर नपुग्दै अभिभावकको करकापमा हुने विहे र वैदेशीक रोजगारीका कारण पर्सामा  पति पत्नि बिचको सम्बन्ध विच्छेद  अर्थात डिभोर्सका घटना वर्षेनी बढदै गएको हो ।

आर्थिक २०७१/०७२ मा एक सय ३३ वटा र आर्थिक वर्ष २०७२/०७३ मा एक सय ५१ वटा सम्बन्ध विच्छेदका मुद्धा दर्ता भएकोमा गत आर्थिक वर्ष २०७३/०७४ मा भने सम्बन्ध विच्छेदका एक सय ७९ वटा मुद्धा दर्ता भएको पर्सा जिल्ला अदालतले जनाएको छ । छोराछोरीको उमेर नपुग्दै अभिभावकले करकापमा विहे गरिदिएका कारण पर्सामा वर्षेनी सम्बन्ध विच्छेदका घटनामा बृद्धि हुदै गएको पर्सा जिल्ला अदालतका सुचना अधिकारी नारायण पौडेलले जानकारी दिनु भयो ।

उमेर नपुग्दै अभिभावकको करकापमा विहे गरिन्छ , महिला घरमै बस्छन तर पुरुषहरु अध्ययन वा कामको शीलशीलमा बाहिर बस्छन् , उहाले भन्नु भयो ,‘लामो समय सम्म बाहिर बस्दा पुरुषहरुको अन्य युवती वा महिलासंग सम्बन्ध नजिकिन्छ अनि पुरुषहरु अर्को विहे गर्ने निर्णयमा पुग्छन् , यही कारणले नै अधिकांश सम्बन्ध विच्छेद हुने गरेको छ ।

तराइ मधेशमा कम उमेरमै विवाह हुनु र पछि उमेर परिपक्व हुदै गएपछि एकले अर्कालाइ मन नपराउने कारणले  सम्बन्ध विच्छेद गर्ने प्रवृति बढ्दै गएको अधिवक्ता वीरेन्द्र यादवले पनि बताउनु भयो ।वैदेशिक रोजगारीका कारण पनि पतिपत्नि बिच सम्बन्ध विच्छेद हुने गरेको पर्सा जिल्ला अदालतका श्रेस्तेदार ठाकुर खरेलले बताउनु भयो ।  

पति पत्नि बिचको अधिकांश सम्बन्ध विच्छेद कम उमेरमै विहे गर्ने र वैदेशीक रोजगारका कारण नै हुने गरेको श्रेस्तेदार खरेलले  बताउनु भयो । वैदेशिक रोजगारीमा दुई तीन वर्ष बिताएर घर फर्किएपछि पति पत्निको सम्बन्धमा फाटो आउने गरेका कारण सम्बन्ध बिच्छेद गर्ने चलन बढ्दो रहेको उहाले बताउनु भयो  ।

बैदेशीक रोजगारीमा दुइ तीन वर्ष बिताएर घर फर्कने पुरुषले पत्निको आचरण माथि शंका गर्नु, पति विदेशमै रहेका बेला पत्निको परपुरुषसँग सम्बन्ध जोड्नु जस्ता कारणले गर्दा पनि पर्सामा सम्बन्ध बिच्छेद गर्ने दम्पतिहरुको सख्या दिन प्रति दिन बढदै गएको अधिवक्ता यादवको तर्क छ । 

साभारः साझा समाचार 





कमेन्टसहरु



लोकप्रिय

ताजा समाचार



12697601 Times Visited.

हेडम्बा पब्लिकेशन प्रा.लि.
द्वारा सन्चालित हेटौंडा अनलाइन
ठेगाना: हेटौडा, -११, मकवानपुर, नेपाल
057-526557
www.hetaudaonline.com.np
Email: info@hetaudaonline.com.np
संचालक
संचालन तथा प्रायोजनको हक सर्बाधिकार © हेटौंडा अनलाईन, हेटौंडा २०७४ मा सुरक्षित रहनेछ ।
Powered by :
Top