Hetauda Online - ढुक्कसँग हिँड्नसक्ने वातावरण बनाउँछुः एसपी खनाल
The first website dedicated to the people of clean and green city Hetauda.
स्थानीय समाचार

ढुक्कसँग हिँड्नसक्ने वातावरण बनाउँछुः एसपी खनाल


स्थानीय समाचार 5 पटक पढिएको शुभलक्ष्मी विश्वकर्मा २०७४ श्रावन २८ शनिवार


ढुक्कसँग हिँड्नसक्ने वातावरण बनाउँछुः एसपी खनाल


श्रावन २७ शुक्रवार, हेटौंडा । जिल्ला प्रहरी कार्यालय मकवानपुरका प्रमुख विकासराज खनालले यस जिल्लाबासीले बिना कुनै त्रास ढुक्क भएर हिँड्न सक्ने वातावरण बनाउने बताउनुभएको छ । यहाँका प्रहरी प्रमुखको रुपमा आजबाट सेवा सुरु गर्नुभएका उहाँले अपराध न्यूनीकरणमा जोड दिँदै जिल्लाबासीलाई शान्ति, सुरक्षाको प्रत्याभूति दिलाउने प्रतिबद्धता जनाउनुभएको हो ।

जिल्ला प्रहरी कार्यालयमा हिजो दिउँसो आयोजित पत्रकार सम्मेलनका क्रममा पत्रकारहरुसँग कुराकानी गर्नुहुँदै प्रहरी प्रमुख खनालले अपराधमा संलग्न व्यक्तिहरुलाई कुनैपनि अवस्थामा छुट नदिइने र कसैको धम्की वा प्रलोभनमा आफू नपर्ने स्पष्ट पार्नुभयो । उहाँले हाल आफू यस जिल्लामा रहेका समस्या तथा चुनौतीबारे जानकारी, सुझाव संकलनको क्रममा रहेको र आवश्यकता अनुसार योजना बनाएर अघि बढ्ने सोचमा रहेको भन्दै सबै प्रकारका अपराध न्युनीकरण आफ्नो पहिलो प्राथमिकता रहने बताउनुभयो । 

कार्यक्रममा सहभागी पत्रकारहरुले गुण्डागर्दी, यौन धन्दा, अवैध लागु औषध कारोबार जस्ता यहाँका समस्याहरु उजागर गर्दै यि क्षेत्रहरुमा विशेष ध्यान पुर्रयाउन र नागरिकमैत्री सेवा प्रवाहका लागि प्रहरी प्रमुख खनाललाई आग्रह गरेका थिए । यहाँका समस्या तथा विषयवस्तु बारे यसअघि पनि आफूले केही अध्ययन गरेको भन्दै प्रहरी प्रमुख खनालले लागु औषध नियन्त्रणमा आफुहरुले ध्यान दिने प्रतिबद्धता व्यक्त गर्नुभयो । साथै उहाँले यस जिल्लाको अवैध यौन क्रियाकलाप, गुण्डागर्दी, राजमार्गहरुमा हुने अपराध रोक्नको लागि विशेष योजना बनाई आफ्नो टिमले काम गर्ने प्रतिबद्धता जनाउनुभयो । 

प्रहरी प्रमुख खनालले प्रहरी र आम जनताको सहभागितामा अपराध न्युनीकरणमा अहोरात्र खटिने, विधिको शासन स्थापनाको लागि सक्दो सहयोगीको भुमिका खेल्ने र यहाँको प्रहरीले नागरिकमैत्री सेवा प्रवाह गर्ने बताउनुभयो । मकवानपुर जिल्ला राजमार्गको केन्द्रविन्दुमा रहेको जिल्ला भएकोले राजमार्गहरुमा हुने अपराध न्युनीकरणको लागि आफू दिनरात लागिपर्ने जानकारी दिनुभयो । कसैको दबाब वा प्रभावमा नपरी काम गर्ने स्पष्ट पार्नुहुँदै प्रहरी प्रमुख खनालले राजनीतिको आडमा हुने कुनैपनि अपराधलाई छुट नदिइने प्रतिबद्धता जनाउनुभएको छ ।





कमेन्टसहरु



लोकप्रिय

ताजा समाचार



12697639 Times Visited.

हेडम्बा पब्लिकेशन प्रा.लि.
द्वारा सन्चालित हेटौंडा अनलाइन
ठेगाना: हेटौडा, -११, मकवानपुर, नेपाल
057-526557
www.hetaudaonline.com.np
Email: info@hetaudaonline.com.np
संचालक
संचालन तथा प्रायोजनको हक सर्बाधिकार © हेटौंडा अनलाईन, हेटौंडा २०७४ मा सुरक्षित रहनेछ ।
Powered by :
Top