The first website dedicated to the people of clean and green city Hetauda.
दुर्घटना समाचार

बकैयामा बाढीको कारण जनधनको क्षति, कयौं बस्ती जोखिममा


दुर्घटना समाचार 140 पटक पढिएको शुभलक्ष्मी विश्वकर्मा २०७४ श्रावन २९ आइतवार




श्रावन २९ आइतवार शुक्रबार रातिदेखि निरन्तर भएको वर्षाका कारण बकैया गाउँपालिकामा बाढी पहिरोका कारण जनधनको क्षति भएको छ । साथै, कयौं बस्ती बाढीको जोखिममा छन् ।

बकैया ७ हात्तीखोला धमिलेका भक्तकुमारी लामिछानेको घर पहिरोमा परी बुहारी सुनिता लामिछाने सख्त घाईते भएकी छन् । बाढीका कारण घरगोठ डुबाउँदा चौपाया तथा धनजनको क्षति भएको स्थानीय भोजराज लामिछानेले बताउनुभयो । 

यसैगरी बकैया ७ मामदमारका ५० घरधुरी बाढीको जोखिममा रहेका छन् । हिरामुनी, सुनाचुरी र बकैया खोला तथा खहरेहरुमा आएको बाढीले स्थानीयहरु आवतजावत गर्न नसकेको तथा बस्ती जोखिममा रहेकोले स्थानीयहरु त्रसित रहेको स्थानीय भोजराज लामिछानेले जानकारी दिनुभयो । बाढीका कारण रानीदमार, अठारबिघा, भीरकोट, मामदमार लगायतका बस्तीहरु जोखिममा छन् । 

यसैबीच, बकैया गाउँपालिका वडा नम्बर १ स्वस्ती भन्ने स्थानमा बाढीमा परेर एकजनाको मृत्यु भएको स्थानीयले जनाएका छन् । बाढीले घर सहित चौपाया बगाएको र चन्डौबजार डुबानमा परेको वडा अध्यक्ष बुद्धिमान तामाङले बताउनुभयो । यसैगरी बकैया १ कै रजुवा बस्ती पनि डुबानमा परेको बताइएको छ । बाढीले ३ वटा घर बगाएको र सो क्षेत्रको बस्तीमा जोखिम बढेको स्थानीय प्रतीक लामाले जानकारी दिनुभयो ।





कमेन्टसहरु



अन्तरवार्ता

  • माडीका मेयर भन्छन् बाँदरमुढेमा हामी अझै पीडामै छौं
    जेष्ठ २७ शनिवार, चितवन ।
    माडी नगरपालिकास्थित बाँदरमुढेमा ३९ जनाको ज्यान जानेगरी माओवादीले सार्वजनिक बसमा बम विस्फोटन गराएको १२ वर्ष बितेको छ । १२ वर्षमा खोलो पनि र्फकन्छ भनेजस्तै यसपालिको चुनाबमा माओवादीले यही ठाउँबाट मेयर पदमा जित हात पारेको छ।
  • हृदय स्पर्शी प्रतिकृया पनि मेरो निम्ति अमूल्य उपहार पुरस्कार हो ।
    रीता ताम्राकार
    समाज सेवी एवं साहित्यकार रीता ताम्राकार कोशि अञ्चल संखुवासभा जिल्ला चैनपुर ०४, हिटी टोलमा बि.सं २०२२-०२-०९ मा पिता स्व.श्री सानुकाजी ताम्राकार तथा माता श्रीमति देवी माया ताम्राकार को जेठी सन्तान हुनुहुन्छ ।
  • मेरो सङ्घर्ष केवल प्राप्तिको लागि मात्र होइन ।
    डा.झमक घिमिरे
    जन्म-२०३७ असार २१ गते शुक्रबार, धनकुटा बहु-प्रतिभावान नेपाली महिला स्रष्टा हुनुहुन्छ । प्रति मष्तिस्क रोग (Cerebral palsy) द्वारा पीडित घिमिरे, उक्त रोगद्वारा पीडित विश्व कै १० प्रतिभावान साहित्यकार मध्ये एक हुनुहुन्छ ।

सूचना/जानकारी

बन महासंघको शुभकामना तथा चियापान

अशोक सुजन श्रेष्ठ
असोज ०९ सोमबार, हेटौंडा सामुदायिक बन उपभोक्ता महासंघ मकवानपुरले बिजया दशमी, शुभ दिपावली, नेपाल सम्बत् ११३८, छठ पर्व, ल्होसार र क्रिसमसको अवसरमा शुभकामना आदनप्रदान तथा चियापान कार्यक्रम गरेको छ ।
नेपाल नाई ट्रेड युनियन बाराको बैठक सम्पन्न: सातैदिन सेवा सञ्चालन
सुप्रिया ढकाल

अबदेखी बाराका जिल्लाभरी नै बिहिबारपनि सैलुन सञ्चालन हुने भएको छ । सैलुन ब्यवसायीहरुको छातासंगठन नेपाल नाई ट्रेड युनियन बाराको निजगढमा बसेको बैठकले सेवाग्राहिको हितलाई मध्यनजर गर्दै यसैसातादेखी बिहिबार पनि सैलुन खोलेर सेवा प्रवाह गर्ने निर्णय गरेको हो ।
सेतीनदीले बगाउँदा तीन मजदुर बेपत्ता
हेटौंडा अनलाइन

हिजो साँझ नुहाउने क्रममा दाङको ताफे घर भई पोखरा–३३ बस्ने १८ वर्षीया संगीता नेपाली, १९ वर्षीय ध्वनि नेपाली र १७ वर्षीय सुनिल परियार बेपत्ता भएका हुन् ।
सामाजिक सुरक्षा भत्ता रकम वितरण सम्बन्धि सूचना ।
हेटौंडा अनलाइन

हेटौंडा उपमहानगरपालिका क्षेत्र भित्रका साविकका ११ वटा वडा भित्र रहेका सामाजिक सुरक्षा भत्ता बितरणको लागि हेटौंडा उपमहानगरपालिकाले निम्न मिति र समय तोकेको छ ।


12901120 Times Visited.

हेडम्बा पब्लिकेशन प्रा.लि.
द्वारा सन्चालित हेटौंडा अनलाइन
ठेगाना: हेटौडा, -११, मकवानपुर, नेपाल
057-526557
www.hetaudaonline.com.np
Email: info@hetaudaonline.com.np
संचालक
संचालन तथा प्रायोजनको हक सर्बाधिकार © हेटौंडा अनलाईन, हेटौंडा २०७४ मा सुरक्षित रहनेछ ।
Powered by :
Top