The first website dedicated to the people of clean and green city Hetauda.
राष्ट्रिय समाचार

बाढीले बाराको वन विनास


राष्ट्रिय समाचार 28 पटक पढिएको सागर घोरसाईने २०७४ भाद्र ०९ शुक्रवार




भाद्र ०९ शुक्रवार, निजगढ । अघिल्लो साता लाल खोलमा आएको बाढीले बारा जिल्लामा सयौं हेक्टर क्षेत्र वन विनास गरेको छ । अविरल बर्षापछि निजगढ नपा ८ र १० स्थित लाल र बकैया खोला बाढी कटानले पर्सा राष्ट्रिय निकुञ्ज सहित स्थानीय कछडिया, राधाकृष्ण र नागमणी सामुदायिक वनमा हजारौं रुख बगाउनुका साथै बाढी पसेर सयौं हेक्टर वन क्षेत्र बालुवाले पुरेको हो ।

‘बालुवाले पुरेर र नदी कटानमा परेर ठुलो क्षेति पुगेको छ, जिल्ला वन अधिकृत भैरवप्रसाद घिमिरेले भने,  बाढी घटेपछि क्षेतिको अवस्था बुझ्ने कार्य भइरहेको छ ।’ घिमिरेले कर्मचारी खटाएर प्रभावित क्षेत्रको स्थलगत निरीक्षण र विवरण संकलन कार्य शुरु गरिएको र केही दिनभित्र क्षेतिको यकिन विवरण प्राप्त हुने जानकारी दिए । 

लालगाउँ सुरक्षाको लागि भन्दै राष्ट्रपति चुरे संरक्षण कार्यक्रम अन्तगत जलउत्पन्न प्रकोप नियन्त्रण कार्यालय परवानीपुरले निर्माण गरेको बाँधले रोकेपछि जंगलतर्फ सोझिएको बाढी पसेर वन संम्पदाको विनास गरेको हो । धार परिवर्तन भएर २ दिनसम्म जंगल पसेको खोलाको मुल धार आइतबार राति बाँध भत्केपछि पुरानै कोर्समा फर्किएको र बाढीबाट लालगाउँका एक दर्जन भन्दा बढी घरगोठ बगाउनुको साथै २५ बिगाहा भन्दा बढी खेतियोग्य जमिन कटान गरेको छ । ‘वस्ति र जंगल दुबै बगायो, स्थानीय जोसिमाया बलले भनिन, संरक्षणको लागि भनेर निर्माण गरेको बाँधले त झन विनास पो निम्त्यायो ।’  संरक्षणको दृष्टिकोणले राम्ररी अध्ययन नै नगरी बाँध निर्माण गरिएकाले वस्ति र जंगल दुबैतर्फ क्षेति गरेको उनले बताइन ।

लाल खोला नियन्त्रणको लागि करिव ३ करोड रुपैयाको लागतमा निर्माण शुरु भएको डेढ किमी लामो बाँध गत बर्ष सम्पन्न भएको थियो ।  दुई दिनसम्म वस्ति पश्चिम जंगल पसेको बाढी १० किमी दक्षिण पुर्वपश्चिम राजमार्गको आरसिसी पुल र लच्का हुदै कोल्हवी नगरपालिकामा  निस्किएपछि आवागमन अवरुद्ध हुनुको साथै जंगल दक्षिणमा पर्ने वस्तिमा समेत बाढी र डुवानको प्रभावमा परेको थियो । पर्याप्त अध्ययन नगरी बाँध  निर्माण गरिएकाले जंगलमा क्षेति पुगेको वन कर्मचारीको पनि भनाइ छ । 

त्यसैगरी निजगढ ४ को कछडिया सामुदायिक वन क्षेत्रको जंगलबाट बसेको बकैयाको बाढीले बगाएर ल्याएको बालुवा र पागोले दुई फिट माथिसम्म पुरेपछि ठुला रुख समेत सुकेर ढल्न सक्ने खतरा बढेको छ । जरामा धेरै माटो थुप्रिएर पुरिएपछि कमजोर बनेका रुख केही समयपछि सुक्न सक्ने वन अधिकृत घिमिरे बताउछन । 

वस्ति संरक्षणको नाममा बकैया खोलाको पुर्व किनारातर्फ निजगढमा निर्माण गरिएका संरचानाले नदीले धार बदलेको र वन क्षेत्र विनास गरेको हो ।  राष्ट्रपति चुुरे संरक्षण कार्यक्रम अन्तरगत बकैया खोलाको पुर्वी किनारामा करिव २ किमी लामो बाध निर्माण भएको छ । त्यसैगरी धन्सार, पसाहा, बालगंगा र दुधौरा जस्ता खोला किनाराबाट पनि बाढीले ठुलो परिमाणमा वन विनास गरेको छ ।





कमेन्टसहरु



अन्तरवार्ता

  • माडीका मेयर भन्छन् बाँदरमुढेमा हामी अझै पीडामै छौं
    जेष्ठ २७ शनिवार, चितवन ।
    माडी नगरपालिकास्थित बाँदरमुढेमा ३९ जनाको ज्यान जानेगरी माओवादीले सार्वजनिक बसमा बम विस्फोटन गराएको १२ वर्ष बितेको छ । १२ वर्षमा खोलो पनि र्फकन्छ भनेजस्तै यसपालिको चुनाबमा माओवादीले यही ठाउँबाट मेयर पदमा जित हात पारेको छ।
  • हृदय स्पर्शी प्रतिकृया पनि मेरो निम्ति अमूल्य उपहार पुरस्कार हो ।
    रीता ताम्राकार
    समाज सेवी एवं साहित्यकार रीता ताम्राकार कोशि अञ्चल संखुवासभा जिल्ला चैनपुर ०४, हिटी टोलमा बि.सं २०२२-०२-०९ मा पिता स्व.श्री सानुकाजी ताम्राकार तथा माता श्रीमति देवी माया ताम्राकार को जेठी सन्तान हुनुहुन्छ ।
  • मेरो सङ्घर्ष केवल प्राप्तिको लागि मात्र होइन ।
    डा.झमक घिमिरे
    जन्म-२०३७ असार २१ गते शुक्रबार, धनकुटा बहु-प्रतिभावान नेपाली महिला स्रष्टा हुनुहुन्छ । प्रति मष्तिस्क रोग (Cerebral palsy) द्वारा पीडित घिमिरे, उक्त रोगद्वारा पीडित विश्व कै १० प्रतिभावान साहित्यकार मध्ये एक हुनुहुन्छ ।

सूचना/जानकारी

बन महासंघको शुभकामना तथा चियापान

अशोक सुजन श्रेष्ठ
असोज ०९ सोमबार, हेटौंडा सामुदायिक बन उपभोक्ता महासंघ मकवानपुरले बिजया दशमी, शुभ दिपावली, नेपाल सम्बत् ११३८, छठ पर्व, ल्होसार र क्रिसमसको अवसरमा शुभकामना आदनप्रदान तथा चियापान कार्यक्रम गरेको छ ।
नेपाल नाई ट्रेड युनियन बाराको बैठक सम्पन्न: सातैदिन सेवा सञ्चालन
सुप्रिया ढकाल

अबदेखी बाराका जिल्लाभरी नै बिहिबारपनि सैलुन सञ्चालन हुने भएको छ । सैलुन ब्यवसायीहरुको छातासंगठन नेपाल नाई ट्रेड युनियन बाराको निजगढमा बसेको बैठकले सेवाग्राहिको हितलाई मध्यनजर गर्दै यसैसातादेखी बिहिबार पनि सैलुन खोलेर सेवा प्रवाह गर्ने निर्णय गरेको हो ।
सेतीनदीले बगाउँदा तीन मजदुर बेपत्ता
हेटौंडा अनलाइन

हिजो साँझ नुहाउने क्रममा दाङको ताफे घर भई पोखरा–३३ बस्ने १८ वर्षीया संगीता नेपाली, १९ वर्षीय ध्वनि नेपाली र १७ वर्षीय सुनिल परियार बेपत्ता भएका हुन् ।
सामाजिक सुरक्षा भत्ता रकम वितरण सम्बन्धि सूचना ।
हेटौंडा अनलाइन

हेटौंडा उपमहानगरपालिका क्षेत्र भित्रका साविकका ११ वटा वडा भित्र रहेका सामाजिक सुरक्षा भत्ता बितरणको लागि हेटौंडा उपमहानगरपालिकाले निम्न मिति र समय तोकेको छ ।


12863985 Times Visited.

हेडम्बा पब्लिकेशन प्रा.लि.
द्वारा सन्चालित हेटौंडा अनलाइन
ठेगाना: हेटौडा, -११, मकवानपुर, नेपाल
057-526557
www.hetaudaonline.com.np
Email: info@hetaudaonline.com.np
संचालक
संचालन तथा प्रायोजनको हक सर्बाधिकार © हेटौंडा अनलाईन, हेटौंडा २०७४ मा सुरक्षित रहनेछ ।
Powered by :
Top