The first website dedicated to the people of clean and green city Hetauda.
logo
स्थानीय समाचार

जवाफदेहिता बढाउन संस्थाको सामाजिक परीक्षण



स्थानीय समाचार   94 पटक पढिएको   हेटौंडा अनलाईन   २०७४ माघ ०९ मंगलवार  

हेटौंडा,९ माघः नागरिक समाज संस्थाहरुको आन्तरिक सुशासनमा सुधार ल्याउँदै जवाफदेहिता बृद्धि गर्ने उद्देश्यका साथ आज (मंगलबार) दुई संस्थाहरुको सामाजिक परीक्षण कार्यक्रम भएको छ । विगत लामो समयदेखि दलित महिलाको अधिकारको क्षेत्रमा काम गर्दै आईरहेको दलित महिला संघ (फेडो) मकवानपुर र अपाङ्गता भएका व्यक्तिहरुको क्षेत्रमा क्रियाशील आपाङ्ग सरोकार केन्द्र मकवानपुरको सामाजिक परीक्षण कार्यक्रम भएको हो ।

जवाफदेहिता बढाउन संस्थाको सामाजिक परीक्षण

नागरिक समाज संस्थाहरुको आन्तरिक सुशासनमा सुधार ल्याउँदै जवाफदेहिता बृद्धि गर्ने उद्देश्यका साथ आज (मंगलबार) दुई संस्थाहरुको सामाजिक परीक्षण कार्यक्रम भएको छ ।

विगत लामो समयदेखि दलित महिलाको अधिकारको क्षेत्रमा काम गर्दै आईरहेको दलित महिला संघ (फेडो) मकवानपुर र अपाङ्गता भएका व्यक्तिहरुको क्षेत्रमा क्रियाशील आपाङ्ग सरोकार केन्द्र मकवानपुरको सामाजिक परीक्षण कार्यक्रम भएको हो । कार्यक्रममा दलित महिला संघ मकवानपुरकी कोषाध्यक्ष मालती विश्वकर्मा र आपाङ्ग सरोकार केन्द्र मकवानपुरका सचिव शान्तिमाया हिम्डुङले सम्बन्धित संस्थाको कार्यक्रम, बजेट र उपलब्धी, चुनौती जस्ता विषयमा प्रस्तुतीकरण दिनुभयो । दुई संस्थाको प्रस्तुतिमाथि सहभागीहरुले जिज्ञासा र सुझाव दिएका थिए ।

कार्यक्रमको प्रमुख अतिथि रहनुभएका हेटौंडा उपमहानगरपालिकाका उपमेयर मिना लामाले स्थानीय तह र नागरिक समाज संस्था एकाकार भएर, सहकार्य गरेर अघि बढ्न जरुरी रहेको बताउनुभयो । स्थानीय तहसँग बजेट न्यून भएकोले र आधारभूत विकासका काममै हामी पछाडी रहेकोले लक्षित वर्गका कार्यक्रम सञ्चालन चुनौतीको विषय रहेको बताउनुभयो । त्यसैगरी कार्यक्रमको विशेष अतिथि रहनुभएका महिला तथा बालबालिका कार्यालय मकवानपुरका प्रमुख विष्णुकुमारी लामिछानेले अधिकारको क्षेत्रमा लागेका नागरिक समाज संस्थाहरु विपन्न र सेवा सुविधाबाट वञ्चित समुदायसम्म पुगेर काम गर्न अनुरोध गर्नुभयो । उहाँले लक्षित वर्गका व्यक्तिहरुले बजेट र भत्ता माग गर्नुभन्दा पनि सीप र क्षमता विकासका लागि सरकार वा नागरिक समाज संस्थाबाट सहयोग माग्नुपर्ने धारणा राख्नुभयो । आफै सक्षम भएर काम गर्ने चाहना राख्ने हो भने त्यस्ता व्यक्तिहरुको लागि स्थानीय तह वा नागरिक समाज संस्थाले क्षमता र सीप विकासका कार्यक्रमहरुमार्फत सहयोग गर्नुपर्ने प्रमुख महिला विकास अधिकृत लामिछानेको भनाई थियो ।

कार्यक्रममा दलित महिला संघ मकवानपुरका अध्यक्ष पवित्रा विश्वकर्मा, आपाङ्ग सरोकार केन्द्र मकवानपुरका अध्यक्ष जमुना तितुङ, साउथ एसिया पार्टनरसिप नेपाल (साप–नेपाल)का जनक कार्की लगायतले आफ्नो धारणा व्यक्त गर्नुभयो । साउथ एसिया पार्टनरसिप नेपाल (साप–नेपाल)ले एफएचआई र युएसएआईडीको सहयोगमा कार्यक्रम सञ्चालन गरेको हो । सामाजिक जवाफदेहिता परियोजना अन्तर्गत यो कार्यक्रम सञ्चालन हुँदै आएको साप नेपालले जनाएको छ । गैर सरकारी संस्था महासंघ नेपालको सभाकक्षमा सञ्चालन भएको कार्यक्रममा  गैसस महासंघ मकवानपुरका सचिव बोल बहादुर कार्कीको अध्यक्षता रहेको थियो ।






भरखरै प्राप्त
धेरैले पढेको
सम्पर्क
हेडम्बा पब्लिकेशन प्रा.लि.
ठेगाना: हेटौडा, -११
मकवानपुर, नेपाल
057-526557
www.hetaudaonline.com.np
Email: info@hetaudaonline.com.np

हाम्रो समुह
महेन्द्र ओझा , संचालक, +977 -9841957389
नानीमैया बिष्ट, प्रधान-सम्पादक, +977 -9855018118
प्रमेश प्रधान, प्रविधि संयोजक, +977 -9845028275
इश्वोर न्यौपाने , संचालक, +977- 9845228120
शुभलक्ष्मी विश्वकर्मा, सह-सम्पादक, +977 -9855085123
more...
सोसल मिडिया
Facebook
Twitter
Youtube

13224295   Times Visited.

संचालन तथा प्रायोजनको हक सर्बाधिकार © हेटौंडा अनलाईन, हेटौंडा २०७४ मा सुरक्षित रहनेछ ।
Top