The first website dedicated to the people of clean and green city Hetauda.
सूचना/जानकारी

तामाङ पत्रकारहरुलाई पदमपोखरीमा सम्मान


सूचना/जानकारी 3 पटक पढिएको हेटौडा अनलाइन २०७४ चैत्र २८ बुधवार


तामाङ पत्रकारहरुलाई पदमपोखरीमा सम्मान


चैत्र २८ बुधवार, मकवानपुर । तामाङ पत्रकार संघ मकवानपुरका कार्य समिति सदस्य तथा केन्द्रीय सदस्यहरुलाई मकवानपुरको हेटौँडा उपमहानगरपालिका वडा नम्बर १३ पदमपोखरीमा आज सम्मान गरिएको छ । पदमपोखरी युवा समूहले ‘शिक्षाको लागि संगीत’ भन्ने मुल नाराका साथ नयाँ वर्षको अवसरमा आज आयोजना गरेको वृहत सांस्कृतिक कार्यक्रममा तामाङ पत्रकारहरुलाई सम्मान गरिएको हो ।

कार्यक्रमका प्रमुख अतिथि तथा प्रदेश नम्बर ३ का मुख्य प्रतिपक्षी दलका नेता ईन्द्रबहादुर बानियाँले खादा ओढाएर तामाङ पत्रकार संघ मकवानपुर शाखाका अध्यक्ष चन्द्र घलान, उपाध्यक्ष जनक तामाङ, सचिव दिलबहादुर रुम्बा, कोषाध्यक्ष सुनु थिङ, सहसचिव राममाया वाईबा तथा सदस्यहरु जयराम मोक्तान, दिपक सिं रुम्बा, भुवन घलान, सन्देश थिङ, कौशिला वाईबा, कुमारी गोले र केन्द्रीय सदस्यहरु शुभराज भोम्जन र दुदुमाया सिन्तानलाई सम्मान गरिएको हो ।


कार्यक्रमको उद्घाटन गर्दै कार्यक्रमका प्रमुख अतिथि बानियाँले नयाँ वर्षको पूर्व सन्ध्यामा हुन लागेको कार्यक्रमको सफलताको शुभकामना दिँदै मनोरञ्जन सबैलाई आवश्यक पर्ने बताए । उनले देश विकासको गतिमा अगाडि बढ्ने चरणमा भएको बताउँदै चुनावका बेला जनताहरु आ–आफ्नो आस्थाका कारण विभिन्न पार्टीमा लागेता पनि अहिले चुनाव सकिसकिएको अवस्थामा समाजको समृद्धि र विकासका लागि एक ढिक्का भएर अघि लाग्नुपर्ने बताए ।


पदमपोखरी युवा समूह तथा कार्यक्रमका संयोजक धिरेन लामाको अध्यक्षतामा भएको कार्यक्रममा वडा नम्बर १३ का वडा अध्यक्ष मनोज वाईबा, वडा नम्बर १२ का वडाअध्यक्ष ललित घलान सहित विभिन्न सामाजिक तथा राजनीतिक व्यक्तित्वहरुको आतिथ्यता रहेको थियो । कार्यक्रममा समूहका सुरज थिङले स्वागत मन्तव्य व्यक्त गरेका थिए ।


पदमपोखरी पार्टी प्यालेसमा आज राति ८ बजेसम्म चल्ने कार्यक्रममा युवाहरुमाझ चर्चित डान्स ग्रुप कार्टुन्ज क्रियुले धमाकेदार प्रस्तुति दिने छन् । त्यस्तै चर्चित गायक सबिन राईले समेत चर्चित गीतहरु गाउने छन् । कार्यक्रममा चर्चित गायक अबिनाश घिसीङ, डिजे जे.के.ले सहित गायक अनराज तामाङ, धिरेन लामा, द रेड डेभिल्स्, द अन्डर साईड पदमपोखरी ब्यान्डको प्रस्तुती रहने छ । साँस्कृतिक कार्यक्रमलागि टिकटमा पचास प्रतिशत छुट सहित रु. १५० मा विक्री भइरहेको छ । कार्यक्रमलाई भव्य र सभ्य बनाउका लागि कडा सुरक्षाको समेत प्रबन्ध गरिएको छ ।


करिब ६ देखि ७ लाखसम्मको खर्च हुने अनुमान गरिएको कार्यक्रममा उठेका सम्पूर्ण रकम खर्च कटाएर करिब ९० प्रतिशत सामाजिक कार्यमा लगाईने आयोजकले जानकारी दिएको छ । कार्यक्रममा उठेको रकम महेन्द्र मावि पदमपोखरी र अन्य विद्यालयका विद्यार्थीहरुलाई छात्रवृत्ति दिन प्रयोग गरिने भएको छ । साथै अन्य विभिन्न सामजिक कार्यमा समेत रकम खर्च गरिने बताइएको छ ।





कमेन्टसहरु



अन्तरवार्ता

  • माडीका मेयर भन्छन् बाँदरमुढेमा हामी अझै पीडामै छौं
    जेष्ठ २७ शनिवार, चितवन ।
    माडी नगरपालिकास्थित बाँदरमुढेमा ३९ जनाको ज्यान जानेगरी माओवादीले सार्वजनिक बसमा बम विस्फोटन गराएको १२ वर्ष बितेको छ । १२ वर्षमा खोलो पनि र्फकन्छ भनेजस्तै यसपालिको चुनाबमा माओवादीले यही ठाउँबाट मेयर पदमा जित हात पारेको छ।
  • हृदय स्पर्शी प्रतिकृया पनि मेरो निम्ति अमूल्य उपहार पुरस्कार हो ।
    रीता ताम्राकार
    समाज सेवी एवं साहित्यकार रीता ताम्राकार कोशि अञ्चल संखुवासभा जिल्ला चैनपुर ०४, हिटी टोलमा बि.सं २०२२-०२-०९ मा पिता स्व.श्री सानुकाजी ताम्राकार तथा माता श्रीमति देवी माया ताम्राकार को जेठी सन्तान हुनुहुन्छ ।
  • मेरो सङ्घर्ष केवल प्राप्तिको लागि मात्र होइन ।
    डा.झमक घिमिरे
    जन्म-२०३७ असार २१ गते शुक्रबार, धनकुटा बहु-प्रतिभावान नेपाली महिला स्रष्टा हुनुहुन्छ । प्रति मष्तिस्क रोग (Cerebral palsy) द्वारा पीडित घिमिरे, उक्त रोगद्वारा पीडित विश्व कै १० प्रतिभावान साहित्यकार मध्ये एक हुनुहुन्छ ।

सूचना/जानकारी

तामाङ पत्रकारहरुलाई पदमपोखरीमा सम्मान

हेटौडा अनलाइन
चैत्र २८ बुधवार, मकवानपुर । तामाङ पत्रकार संघ मकवानपुरका कार्य समिति सदस्य तथा केन्द्रीय सदस्यहरुलाई मकवानपुरको हेटौँडा उपमहानगरपालिका वडा नम्बर १३ पदमपोखरीमा आज सम्मान गरिएको छ । पदमपोखरी युवा समूहले ‘शिक्षाको लागि संगीत’ भन्ने मुल नाराका साथ नयाँ वर्षको अवसरमा आज आयोजना गरेको वृहत सांस्कृतिक कार्यक्रममा तामाङ पत्रकारहरुलाई सम्मान गरिएको हो ।
नेपाल नाई ट्रेड युनियन बाराको बैठक सम्पन्न: सातैदिन सेवा सञ्चालन
सुप्रिया ढकाल

अबदेखी बाराका जिल्लाभरी नै बिहिबारपनि सैलुन सञ्चालन हुने भएको छ । सैलुन ब्यवसायीहरुको छातासंगठन नेपाल नाई ट्रेड युनियन बाराको निजगढमा बसेको बैठकले सेवाग्राहिको हितलाई मध्यनजर गर्दै यसैसातादेखी बिहिबार पनि सैलुन खोलेर सेवा प्रवाह गर्ने निर्णय गरेको हो ।
सेतीनदीले बगाउँदा तीन मजदुर बेपत्ता
हेटौंडा अनलाइन

हिजो साँझ नुहाउने क्रममा दाङको ताफे घर भई पोखरा–३३ बस्ने १८ वर्षीया संगीता नेपाली, १९ वर्षीय ध्वनि नेपाली र १७ वर्षीय सुनिल परियार बेपत्ता भएका हुन् ।
सामाजिक सुरक्षा भत्ता रकम वितरण सम्बन्धि सूचना ।
हेटौंडा अनलाइन

हेटौंडा उपमहानगरपालिका क्षेत्र भित्रका साविकका ११ वटा वडा भित्र रहेका सामाजिक सुरक्षा भत्ता बितरणको लागि हेटौंडा उपमहानगरपालिकाले निम्न मिति र समय तोकेको छ ।


13157385 Times Visited.

हेडम्बा पब्लिकेशन प्रा.लि.
द्वारा सन्चालित हेटौंडा अनलाइन
ठेगाना: हेटौडा, -११, मकवानपुर, नेपाल
057-526557
www.hetaudaonline.com.np
Email: info@hetaudaonline.com.np
संचालक
संचालन तथा प्रायोजनको हक सर्बाधिकार © हेटौंडा अनलाईन, हेटौंडा २०७४ मा सुरक्षित रहनेछ ।
Powered by :
Top