Hetauda Online - मोर्चा सहमत भए दुई चरणमा निर्वाचन
The first website dedicated to the people of clean and green city Hetauda.
राष्ट्रिय समाचार

मोर्चा सहमत भए दुई चरणमा निर्वाचन


राष्ट्रिय समाचार 15 पटक पढिएको हेटौंडा अनलाईन संवाददाता २०७३ चैत्र २७ आइतवार


मोर्चा सहमत भए दुई चरणमा निर्वाचन


हेटौंडा अनलाईन नेपाली काँग्रेसका सभापति शेरबहादुर देउवाले आगामी निर्वाचनमा काँग्रेसले प्रजातन्त्र, सङ्घीयता, समावेशीता, राष्ट्रिय एकता मेलमिलाप, संविधान कार्यान्वयनजस्ता एजेन्डा लिएर जान लागेको बताएका छन्।

आइतबार कैलालीको अत्तरियामा हुन लागेको काँग्रेसको सात नं प्रदेशस्तरीय चुनावी आमसभालाई सम्बोधन गर्न धनगढी पुगेका सभापति देउवाले नेपाल प्रेस युनियनले गरेको पत्रकार सम्मेलनमा मधेसी मोर्चा निर्वाचनमा आउन सहमत भएमा स्थानीय तहको निर्वाचन दुई चरणमा गर्न सकिने बताए।

सभापति देउवाले मधेसी दलहरुसँग छलफल भइरहेको र उनीहरु सहमत भएमा मधेसका केही जिल्लामा दोस्रो चरणमा निर्वाचन गर्न सकिने बताए। 

'वैशाख ३१ गते स्थानीय तहको निर्वाचन हुने कुरामा ढुक्क हुनुहोस्, अब कुनै हालतमा निर्वाचन रोकिँदैन,' उनले भने। मधेस, पहाड र हिमालमा बस्ने सबै नेपाली भएकाले कसैको चित्त दुखाउने काम र व्यवहारले राष्ट्रियता बलियो नहुने उनको भनाइ थियो। 

नेकपा (एमाले)ले जातीय र क्षेत्रीय द्वेष फैलाउन खोजेको देउवाको आरोप थियो। काँग्रेसले स्थानीय तहको निर्वाचनमा बहुमत ल्याउने उनले दाबी गरे। 

पत्रकार सम्मेलनमा काँग्रेसका वरिष्ठ नेता रामचन्द्र पौडेलले पार्टीभित्र कुनै पनि किसिमको विवाद तथा समस्या नभएको बताए। पौडेलले भने 'पार्टी एकढिक्का भएर निर्वाचनमा जान्छ।' उनले प्रदेश नं ७ बाट सुरु गरिएको चुनावी अभियान प्रदेश नं १ मा पुर्याएर टुङ्ग्याउने बताए। 

काँग्रेसले सोमबार अत्तरियामा आयोजना गर्न लागेको प्रदेशस्तरीय सभामा सहभागी हुनका लागि सभापति देउवा, वरिष्ठ नेता पौडेल, पूर्व महामन्त्री कृष्णप्रसाद सिटौलालगायत नेता कैलाली पुगेका छन्। रासस 





कमेन्टसहरु





12746785 Times Visited.

हेडम्बा पब्लिकेशन प्रा.लि.
द्वारा सन्चालित हेटौंडा अनलाइन
ठेगाना: हेटौडा, -११, मकवानपुर, नेपाल
057-526557
www.hetaudaonline.com.np
Email: info@hetaudaonline.com.np
संचालक
संचालन तथा प्रायोजनको हक सर्बाधिकार © हेटौंडा अनलाईन, हेटौंडा २०७४ मा सुरक्षित रहनेछ ।
Powered by :
Top