Hetauda Online - अरुणराज सुमार्गीलाई कार्यकारिणी सदस्य मनोनयन
The first website dedicated to the people of clean and green city Hetauda.
स्थानीय समाचार

अरुणराज सुमार्गीलाई कार्यकारिणी सदस्य मनोनयन


स्थानीय समाचार 56 पटक पढिएको हेटौंडा अनलाइन २०७४ आषाढ १६ शुक्रवार


अरुणराज सुमार्गीलाई कार्यकारिणी सदस्य मनोनयन


आषाढ १६ शुक्रवार, काठमाडौं नेपाल उद्योग वाणिज्य महासंघको कार्यकारिणी सदस्य पदमा व्यवसायी अरुणराज सुमार्गीलाई मनोनयन गरेको छ । विगत लामो समयदेखि महासंघमा आवद्ध भएका सुमार्गी यसअघि मध्यमाञ्चल उद्योग वाणिज्य महासंघका अध्यक्ष समेत रहेका थिए ।

महासंघमा रहेर संस्थागत हितका लागि अतुलनिय योगदानका भागिदार उनलाई शुक्रबार महासंघमा एक समारोहका बिच उद्योग वाणिज्य महासंघकी अध्यक्ष भवानी राणाले मनोनयन सदस्यको कार्यपत्र हस्तान्तरण गरेकी हुन् । कार्यक्रममा एसोसिएट तर्फका उपाध्यक्ष चन्द्र ढकाल, वस्तुगतका उपाध्यक्ष उमेशलाल श्रेष्ठ, कोषाध्यक्ष ज्ञानेन्द्रलाल श्रेष्ठ, केन्दीय सदस्य अन्जन श्रेष्ठसहितका अन्य पदाधिकारीसमेतको उपस्थिती रहेको थियो । 

सुमार्गीले यसअघि प्रदेशको अध्यक्षको दावी राखेतापनि कार्यसमिति सदस्यमा आउने सल्लाह बमोजिम पूर्व उपाध्यक्ष दिनेश श्रेष्ठलाई तीन नम्बर प्रदेशको अध्यक्ष दिइएको थियो । सोही अनुरुप महासंघको विधानको दफा ३४ को उपदफा ३४.६ का अनुसार हालको कार्यकारीणि समितिको पदावधि सम्मको लागि कार्यकारी समितिले मनोनयन गरेको हो । यसभन्दा अघि मध्यमाञ्चल अध्यक्षको हैसियतले सुमार्गीले महासंघ प्रति निभाएको भूमिकाको उच्च मूल्यांकन गर्दै यसभन्दा अघिको महासंघप्रतिको योगदान र सहयोगको कदरसहित थप बढी सहयोग पाउने विश्वासका साथै आगामी बैठकमा कार्यकारी सदस्यको जिम्मेबारी दिँदै आजैका मितिबाट बैठकमा उपस्थित हुन स्वागत समेत गरेको मनोनयनमा उल्लेख छ । नेपाली उद्योग, कलकारखाना लगायत नेपाली अर्थतन्त्रका विषयमा खोज तथा उत्खनन् सजिलैसँग गर्न सक्ने क्षमता रहेका सुमार्गीले उद्योग वाणिज्य महासंघको अर्को अधिवेसनमा जिल्ला नगर उपाध्यक्षको दाबेदारमा आफ्नो स्थान तय गर्ने अनुमान गरिएको छ ।





कमेन्टसहरु



लोकप्रिय



12811777 Times Visited.

हेडम्बा पब्लिकेशन प्रा.लि.
द्वारा सन्चालित हेटौंडा अनलाइन
ठेगाना: हेटौडा, -११, मकवानपुर, नेपाल
057-526557
www.hetaudaonline.com.np
Email: info@hetaudaonline.com.np
संचालक
संचालन तथा प्रायोजनको हक सर्बाधिकार © हेटौंडा अनलाईन, हेटौंडा २०७४ मा सुरक्षित रहनेछ ।
Powered by :
Top